القائد العام للجيش يسخر من تطبيل وتصفيق السياسيين لقاتلهم الارجوز
البرهان: لاصلح ولا اتفاق وسنسلح المقاومة الشعبية تحت اشراف القوات المسلحة
متابعة: (بوش نيوز)
خلال زيارته للمنطقة العسكرية جبيت في ولاية البحر الاحمر بشرق السودان خاطب رئيس مجلس السيادة القائد العام للقوات المسلحة الفريق اول ركن عبدالفتاح البرهان، الضباط والجنود ، وفيما يلي ترصد (بوش نيوز) بعض أبرز النقاط التي جاءت في مخاطبته العفوية بالدارجي:
البرهان لحميدتي: أنت يا أرجوز كنت وين طيلة ال 8 أشهر دي يا جبان.
البرهان: المُتمرِّد يقتل الشعب السوداني وبعض السياسيين (بطبِّلوا ليه ويصفِّقوا ليه)، تصفقو وتطبلو لأراجوز بعد قتلك وقتل امك.
البرهان: ما عندنا صلح معاهم ولا عندنا اتفاق معاهم لأننا لازم ناخد حقنا وحق الناس والشهداء والنساء والاطفال.
البرهان: لازم ناخذ حق الماتوا ودفنوهم أحياء في الجنينة.
ونرحب بالمقاومة الشعبية وسنسلحلها ويجب أن تكون تحت أشراف القوات المسلحة.
البرهان: اي سوداني لديه موقف أو جهد لإيقاف الحرب ما عندنا مانع نتكلم معاه لكن داير تنهب وتقتل وتدي روحك شرعية دي ما بتلقاها عندنا.
البرهان: سنقاتل الى آخر رجل حتى ندمر هذا العدو أو نكمل كلنا.
البرهان: الارجوز يهين في الشعب السوداني ويقتل في ابناءه ونحن بنقول ليهو انت هربت من الميدان تمانية شهور،، ومتلبد في البدروم وفي بيت وجدي ونحن واخوانا في مكاتبنا ومع جنودنا واماكنا معروفة لأننا مسنودين بشعبنا ومحميين بدعوات الصالحين من أولاده.
البرهان: الارجوز غاشي أهله وبعض البسطاء بأنه عنده دين، دين شنو وهو يقتل الناس ويسرق، شغّال بالدجل، ما خلى ليهو فكي وما خلى أم بتاري ما جابوا الخرطوم عشان يحققوا ليه النصر.
